Grace Believer Church

A bout us

Grace Believer Church [GBC] cu bukip le miphunkip thleidannak um lo tein aa fonh i aa ṭhihruaimi Khrihfabu a si. Mah hi thengtheng timi Doctrine aa ngeih lo. Thiang Thlarau rianṭuannak, hrinṭhannak le nun thianhlimnak a ṭanhmi Khrihfabu a si. Member 108 kan si i Norwegian Pentecostal Movement ah aa pehtlaimi a si. Trinity (Thum kawmh Pathian) a zummi kan si i Oneness kong zongah lungthin kaupi he thleidannak zeihmanh a ngei lomi a si. Cucaah Laimi zapi kan itel khawh dih cionak Khrihfabu zong a si.

Kan Chin miphun minung 14 cu 14.10.2003 ah Norway ram Stavanger khua cu kan rak phan. 15.02.2004 ni ah Chin Christian Family [SCCF] Khrihfabu kan rak dirh. 28.03.2004 ah anmah Norway kokkek mi an ipumhnak Stavanger Baptist Church ah minung [21] hi member kan rak lut i Pastor Bjørn Egeland le a Khrihfabu hna nih hmaipanh lunglawm tein an rak kan cohlang.

Cuka Stavanger Baptist Church ah cun Norway mi he ipumhṭinak caah member kan rak lut nain kanmah Chinmi u le nau vialte nih kanmah holh tein Pathian thangṭhatṭinak Stavanger Chin Christian Family [SCCF]kha cu kan ngei rih ṭhiam ko. Pathian dawtnak thawngin minung kan hung karh deuh i member zong kan hung tam deuh cang caah kan min kha Stavanger Chin Christian Fellowship [SCCF] tiah kum 2005 ah kan rak thleng ṭhan.

Cun Norway ram chungah a ummi Chin Churches vialte hi Church Base in kal a herh cang tiah kan ti caah 01.05.2008 ah kan zapi hnatlaknak in Stavanger Chin Church [SCC] cu kan rak dirh i 10.05.2008 ah Norway Baptist Union in General Secetary Rev. Magnar Mæland nih onnak puai a rak kan tuahpiak i Norway Baptist Union he kan rak ipehtlai.

Kan lakah zumhning le pomning aa khah lo deuh ruangah zalawng tein Pathian thangṭhat a duhmi UPC u le nau minung (21) le kanmah u le nau minung (42) kan rak ifonh i kan zapi minung (63) hna nih Stavanger Chin Church [SCC] in chuahnak ca kha Mother Church ah 06.11.2009 ah hmunkhat tein kan rak pek hna i Mother Church zong nih Blessing an rak kan pek. 08.11.2009 Sunday ni thawk in Intro Biakinn kan hlang i cuka ah cun Pathian thangṭhat hram kan rak thawk hna. Cu lioah cun UPC kan unau hna cu Biakinn le hmunhma an ngeih rih lo caah kanmah he kumkhat chung an rak um i Pathian kan rak thangṭhat i hna. Kan Khrihfabu min ah Bethel Living Church [BLC] tiah kan rak isak hna i Norway Penticostal Movement he kan ipehtlai.

Anmah Norway ca in Pinse Bevegelse [Penticostal Movement] Khrihfabu kan nu le kan pa hna bawmhnak le ṭanpinak thawngin Brønnøysund in 15.06.2010 kum le ni ah rampumpi nih theihpimi Church puitling sinak Organization Number 995 345 870 an rak kan pek. Cu ti cun hmunkhat tein nuam ngai in Pathian kan thangṭhat ṭi hna hnu kum khat hnu 2010 ah UPC kan unau hna cu Pathian thangṭhatnak Biakinn zong an hmuh cang caah anmah tein an rak ipum ve cang. UPC u le nau hna an Khrihfabu min cu New Life Appostalic Church [NLAC] ti a si.

Cu ti cun kum 5 chung Pathian kan rak thangṭhatnak ah Bawipa nih a lam kip in thluachuahnak phunphun a rak kan pek i nuam ngaingai in Pathian kan rak thangṭhat ṭi hna. Kan rak chuakka ah cun member minung (43) kan rak si nain Bawipa thluachuah nauchuakthar he zumtu thar he a kan chap caah kum 5 chungah minung (65) tiang kan rak karh.

Cun Zumtu u le nau minung (41) zong nih an zumhning le an pomning aa khah deuh lo ruangah Stavanger Chin Church [SCC] in an rak chuak ve i hmunkhat te ah um ṭi i Pathian thangṭhat ṭi dingin kan va sawm hna i kap hnih ton biaruah ṭinak le thlacam ṭinak kha 06.06.2014 zanlei ah kan rak ngei hna. Hmunkhat tein ifonh dingin kaphnih hnatlaknak kan ngeih caah 22.06.2014 ni ah kan zapi in thlacam ṭinak le Biairuah ṭinak kan rak ngei rih. Cun 27.09.2014 ni kan General Meeting ah kan zapi hnatlaknak in kan min Bethel Living Church [BLC] cu GRACE BELIEVER CHURCH [GBC] ah kan rak thleng. Kan Khrihfabu member cu 107 kan si i kan Church Pastor cu Rev. Tawkhmun Tluangneh a si. GBC Member 2016 Cazin 

  • Mahte in aa ukmi le democracy phung ningin aa ṭhihruaimi bu a si lai.
  • Mah hi thengtheng timi Doctrine aa ngeih lai lo i Oneness le Trinity kong zongah thleidannak a um lai lo
  • A tlangpi in kan zumhning cu:-
    • Bible cu aa palh kho lomi Pathian Bia a si.
    • Khamhnak cu zumhnak in kan co.
    • Khamhnak a comi hna nunah Thiang Thlarau a cawlcaang.
    • Nun thianthlim a biapi.
  • Mission rianṭuannak kha a biapi ah a chiah.
  • Kan Motto caah Zachariah 4:6 ‘‘Ka Thlarau thawng lawnglawng in a si lai,” timi a si.

Contact us

Randeberg veien 12F, 4025 Stavanger

Chairman: 414 27 522, Pastor: 941 59 965

post@gbcn.no

Count per Day

  • 22355Visninger i alt:
  • 5Visninger i dag:
  • 0besøkende online akkurat nå:

GRACE BELIEVER CHURCH SERVICE

Service Program
1. Sunday Service Program
Kl:15:00-17:00

2. Visiting address:

Bethlahem Bedelshus

Ordfører Askelands gate 4,4020

Stavanger

Back to Top